partager
15%,du trafic autoroutier mais plus de 30% de la pollution; interdire la circulation des camions n'est pourtant pas envisageable actuellement (photo MN)
Amé lei doas polluciens lei mai evidentas dau trafic rotier – lei oxides d’azòte e lei pòussas finas cargadas de quimia – l’èr de Provença es pas dei bòns. Dos engeniaires d’Air Paca, l’associacien que s’encarga de mesurar aquelei nivèus de pollucien, vènon, dins un estudi pas encara publicat, de ierarquisar lei responsabilitats d’aquela maufasènça.
Partant, lei mesuras per la redurre rajarián au bornèu … s’aquò èra possible.
Segur que desvelopar lei transpòrts collectius seriá un bòn mejan. D’autant mai que, nos dison dins l’estudi, basta de dètz personas dins lo bus per que aquò siegue positiu. L’empacha es que, amé lo desplegament de l’ostau particulier de’n pertot en Provença maritima – la mai urbana – lo bus pòu pas sovènt vos anar cercar onte siatz.
A Niça, leis engeniaires Gaelle Luneau et Thomas Aleixo, an tanben estudiat la responsabilitat dau parcament dei veituras en dobla renguiera, lòng dei carrieras. Aquela pratica, que sembla admessa de’n pertot, es una semenaira de pòussas que vos disèm pas ! Sa repressien fariá tombar fòrt lo nivèu aisadament.
Partant, lei mesuras per la redurre rajarián au bornèu … s’aquò èra possible.
Segur que desvelopar lei transpòrts collectius seriá un bòn mejan. D’autant mai que, nos dison dins l’estudi, basta de dètz personas dins lo bus per que aquò siegue positiu. L’empacha es que, amé lo desplegament de l’ostau particulier de’n pertot en Provença maritima – la mai urbana – lo bus pòu pas sovènt vos anar cercar onte siatz.
A Niça, leis engeniaires Gaelle Luneau et Thomas Aleixo, an tanben estudiat la responsabilitat dau parcament dei veituras en dobla renguiera, lòng dei carrieras. Aquela pratica, que sembla admessa de’n pertot, es una semenaira de pòussas que vos disèm pas ! Sa repressien fariá tombar fòrt lo nivèu aisadament.
Mai facila, mens eficace
Mai lo mai eficace, e lo mai impossible ailàs, seriá d’empachar lei camionàs sus lei autòrotas. Aquelei son pasmens que 15% dei veïcules de nòstrei ribans autorotiers. Mai leis en vèire desparéisser de l’A8 dau costat de Niça, entrinariá la casuda dau nivèu d’oxides d’azòte de 38%, de 30% dei pòussas d’un diamètre de mens de dètz microns, e de 28% d’aquelei de pas manco
2,5 microns, aquelei que viatjan lo mai luenh dins nòstreis organismes umans, en particulier dins lei paumons.
Au còntre, lei limitaciens de vitessa sus autorota, tant facilas de decidar, elei, son pas eficaças.
Ailàs, d’empachar lei camionàs es d’empachar lo comèrci a l’ora d’ara , entre tota l’Euròpa e l’Italia, e la mesura sembla pas possibla, bòrd que degun poder politic la podriá adoptar. Pasmens en Soïssa, amé l’ajuda dau ralh, siguèt possibla. En França lo « transpòrt combinat », eu, es au nivèu zerò.
Adonc, l’A8, l’A7 o l’A51 deuràn suportar encara longtèmps sei camionàs, e nosautres sei pòussas.
Au còntre, lei limitaciens de vitessa sus autorota, tant facilas de decidar, elei, son pas eficaças.
Ailàs, d’empachar lei camionàs es d’empachar lo comèrci a l’ora d’ara , entre tota l’Euròpa e l’Italia, e la mesura sembla pas possibla, bòrd que degun poder politic la podriá adoptar. Pasmens en Soïssa, amé l’ajuda dau ralh, siguèt possibla. En França lo « transpòrt combinat », eu, es au nivèu zerò.
Adonc, l’A8, l’A7 o l’A51 deuràn suportar encara longtèmps sei camionàs, e nosautres sei pòussas.
Quora l'Estat e un industriau escondon un auvari industriau