partager
Le droit à prendre le temps de savoir soi-même quelle est sa propre voie (photo MN)
Un molon
de cadieras entrecavaucadas
enebisson l’intrada dei halls de l’Universitat sestiana. D’estudiants patrolhan, contraròlan. « Lo president d’Ais-Marselha Universitat nos repròcha un tag, o d’enebir l’intrada a la Bibliotèca Universitari qu’a pasmens eu mume decidit de barrar ». Clemença estudia lei Letras aquí, e despuei de setmanas occupa lo terren. De jorns coma de nuech, amé benlèu 250 personas. Amé de bonurs e de malurs : « la plueja a acompanhat totei nòstrei manifestaciens, qu’a descoratjat ben de monde… Fins qu’au 22 de març a Montpelhier ».
Aqueu jorn, d’òmes violents am’un professor, an assajat de descasar d’estudiants, a l’Universitat Pau Valery. « Aquela accien de faissistes a relançat lo movament » sotalinha Audric, que passa un an fòra de Sciéncias Politicas, per estudiar aquí de lengas estrangieras. Quasi mòrt, lo movament s’es reviscolat d’un còp. E se senton plus tant solets, leis estudiants que lo menon a-z-Ais , despuei « que lei dockers de Marselha nos an donat son sosten, e afirmats que, si li aviá d’acciens violentas per nos descasar, elei serián presents amé nosautres ! » s’alegra Audric.
Segur que lo president de l’Universitat podrà pas – de supausar que va vòudriá – chanjar la lèi. Mai podriá la renegar, « coma l’a ja fach son collèga de l’Universitat de Pau ! » sotalinha Clemença. « T’an lo poder de pas l’aplicar, e es aquò qu’assajam de negociar ».
« S’orientar tardierament deuriá èstre un drech ! » acaba Max. vengut tardierament ais estudis superiors. « Demandar a un joine de decidir de son avenir tre quinge ans, es pas caluc aquò ?! »
Aqueu jorn, d’òmes violents am’un professor, an assajat de descasar d’estudiants, a l’Universitat Pau Valery. « Aquela accien de faissistes a relançat lo movament » sotalinha Audric, que passa un an fòra de Sciéncias Politicas, per estudiar aquí de lengas estrangieras. Quasi mòrt, lo movament s’es reviscolat d’un còp. E se senton plus tant solets, leis estudiants que lo menon a-z-Ais , despuei « que lei dockers de Marselha nos an donat son sosten, e afirmats que, si li aviá d’acciens violentas per nos descasar, elei serián presents amé nosautres ! » s’alegra Audric.
Segur que lo president de l’Universitat podrà pas – de supausar que va vòudriá – chanjar la lèi. Mai podriá la renegar, « coma l’a ja fach son collèga de l’Universitat de Pau ! » sotalinha Clemença. « T’an lo poder de pas l’aplicar, e es aquò qu’assajam de negociar ».
« S’orientar tardierament deuriá èstre un drech ! » acaba Max. vengut tardierament ais estudis superiors. « Demandar a un joine de decidir de son avenir tre quinge ans, es pas caluc aquò ?! »
Vous avez lu un extrait de notre reportage, qui sera publié complet pour les abonnés du mensuel Aquò d'Aquí de juin. Pour vous abonner et soutenir la langue d'oc qui dit l'actualité de la société, c'est ici.
Menton : quand les élèves rencontrent des locuteurs d'occitan de chaque jour