En finala Beart espòutisse Charpin

Avieu convidat de colègas cinefiles e amoros de la cançon francesa pèr assistar a la finala OM-Atletico davant mon escran plat. Es rede 3 a 0, dona pas lo rebat dau debanament dau rescòntre.

L’OM èra pas tant luench, l’Atletico a pas fach porrada , levat lo biais d’Antòni Griezmann qu’a marcat dos dei tres buts. Un de mei colègas si metèt a zonzoniar : « On ne pleure pas dans les bras d’Antoine, on ne pleure pas dans ses bras… », un dei pus gròs sucès de Gui Beart, en ajustant  : « si plora pas dins sei braç, mai si plora a causa de sei pèds ».
 
Un autre colèga qu’a tambèn marrit esperit diguèt de Valèri Germain, atacant de poncha qu’a mancat un but immancable, e dau gardian Steve Mandanda qu’a fach un desgajament malastros qu’a menat au promier but de l’Atletico, « ils ne sont pas bons à rien, ils sont mauvais en tout ». Es la famosa replica dau filme « le Schpountz ». Lo grand Fernand Charpin, naissut a Marselha en 1887, va dis a son nebot Fernandel que s’entòrna de Parìs.
 
Convidarai plus d’inteleituaus pèr regardar un rescòntre de foot au mieu, es tròup maucorant .

Le billet d'Andrieu Abbe est soutenu par l'association Passadoc