partager
Lou tres de mars que vèn lou brave mounde sera counvida per uno vihado d’ivèr à Bouleno, per l’assouciacioun Parlaren. S’acamparan tre sièis ouro e mié à la Salo dei Fèsto Georges Brassens, routo de Sant Pau. « Vous i’ajudaren mai participarés dóu mies que poussible en lengo nostro » souligno lou papafard que fa la crido de la vesprado.
« Es un pau l’escoumesso , que lou mounde vogue bèn parla, a l’ouro d’aro. E segur es à nousautre de lis ajuda. Senoun qu lo farié ? » Dono Anìo Vadon beilejo Parlaren despuei dès an à Bouleno. Jan-Marc Courbet li avié demanda quand a coumença de prendre de respounsabilita au Felibrige, piei quand n’en es vengu lou baile. Aqui la despareissudo dau Jan-Marc, en 2016, a laissa de traço. « Un ome franc, e courajous, que pourtavo tóuti li proujèt de Parlaren ».
Coumo per eisemple aquéu Centre de Doucumentacioun Prouvençalo, dubert eis annado quatre-vint, e qu’acampo aro mai de cinq milo oubrage. « Nous fau n’en douna à d’àutris assouciacioun que n’an lo besoun », subretout quand fan doubloun emé de libre que deja es poussible de desnisa à Bouleno.
« Es un pau l’escoumesso , que lou mounde vogue bèn parla, a l’ouro d’aro. E segur es à nousautre de lis ajuda. Senoun qu lo farié ? » Dono Anìo Vadon beilejo Parlaren despuei dès an à Bouleno. Jan-Marc Courbet li avié demanda quand a coumença de prendre de respounsabilita au Felibrige, piei quand n’en es vengu lou baile. Aqui la despareissudo dau Jan-Marc, en 2016, a laissa de traço. « Un ome franc, e courajous, que pourtavo tóuti li proujèt de Parlaren ».
Coumo per eisemple aquéu Centre de Doucumentacioun Prouvençalo, dubert eis annado quatre-vint, e qu’acampo aro mai de cinq milo oubrage. « Nous fau n’en douna à d’àutris assouciacioun que n’an lo besoun », subretout quand fan doubloun emé de libre que deja es poussible de desnisa à Bouleno.
Cours pèr counfirma e coumençaire
Jean-Marc Courbet en 2013, alors qu'il reçoit le Grand Prix Littéraire de Provence, à Ventabren, pour son action en faveur de la mise à disposition de l'écrit en langue d'oc (photo MN)
Fa un an, ansin, à la mort dóu paure Gerard Champel, l’eimo de la radio Soleil Fm, au Mountelimar, la famiho a laissa soun founs impourtant de libre au CDP, que mai que d’un cop èron de libre qu’avié deja. « E aro prenèn plus de libre en gascoun per eisèmple, bord que quàsi jamai degun nous li demando ».
La Coumuno countunio d’ajuda lou CDP, e li mando tres miejo-journado per semano uno biblioutecàri per indeissa e catalouga lei nouvèu libre recebu, ajudado per lei bountous .
Es que lou travai aclapo la colo assouciativo, qu’assajo de trasmetre la lengo, d’en premié. « Asseguran un cours pèr counfirma lou dilun de cinq à sèt, e pèr coumençaire lou dijòu, em’ un ouràri floutant segoun ce que volon lis « escoulan », ounte fau coumta un jouine American. »
Es LOU proublèmo à Bouleno, coumo autro part : lou mounde parlo pas tant à l’ouro d’aro ; dansa tradiciounau, se vesti, vo… Mai parla ! Un proublèmo trop bèn couneissu d’en pertout, segur. « Nous faudrié atriva de mounde mai jouine » que dis dono Vadon. La vihado belèu an aquéli li dounara l’envejo.
La Coumuno countunio d’ajuda lou CDP, e li mando tres miejo-journado per semano uno biblioutecàri per indeissa e catalouga lei nouvèu libre recebu, ajudado per lei bountous .
Es que lou travai aclapo la colo assouciativo, qu’assajo de trasmetre la lengo, d’en premié. « Asseguran un cours pèr counfirma lou dilun de cinq à sèt, e pèr coumençaire lou dijòu, em’ un ouràri floutant segoun ce que volon lis « escoulan », ounte fau coumta un jouine American. »
Es LOU proublèmo à Bouleno, coumo autro part : lou mounde parlo pas tant à l’ouro d’aro ; dansa tradiciounau, se vesti, vo… Mai parla ! Un proublèmo trop bèn couneissu d’en pertout, segur. « Nous faudrié atriva de mounde mai jouine » que dis dono Vadon. La vihado belèu an aquéli li dounara l’envejo.
De nòvas de l'Ostau dau País Marselhés