partager
Doas desfachas ai doei promiers rescòntres dei "Sièis Naciens", aquò era plus arrivat dempuei 31 ans, d'aqueu temps leis Italians èron pas encara 'quì. Batuda a Roma puei a Parìs 16 a 6 còntra lei Galés l'equipa de França avié marrit brindo.
"On a été nuls" diguèt Fred Michalak modestament a la fin de la partida. Lo solet que tenguèt sa plaça siguèt lo centre, tolonenc dempuei un an, Bastareaud, leis autrei juguèron pas a son nivèu abituau.
Dins aquelei circostancis es de mòda de criticar l'entrenaire Saint André que sa crotz pesa mai de semana en semana. Emé Campionat a 14, Copas d'Euròpa, Sièis Naciens, rescòntres amicaus, avèm lo calendier lo mai cargat dau monde.
Mai en promier lo mau vèn de l'evolucien dau rugbì, espòrt nacionau occitan, que lei drechs de televisien an desaviat. Lo rugbì francés es ara lo mai riche dau monde e si pòu pagar lei melhors jugaires dei 5 continents (li a gaire d'Asiatiques mai mi sembla d'aguer vist un Japonés dins lo Top 14 !).
Lei consequèncis son malastrosas per totei. Argentins, Georgians, Escossés, Sudafs, Italians laisson partir sei melhors jugaires, aquò desavié son championat e empacha lo nivèu nacionau de crèisse. Dins lo Top 14 e la Pro D2 la concurrenci es tala que de joines jugaires francés fan tapissarié sus lei banquets dei remplaçants. Leis empacha de s'ameliorar per picar la porta dau "Club France".
Lei drechs de televisien de Canal Plus e deis autrei cadenas aduson de molons de sòus mai aquò empacha pas a de clubs de bèure lo bolhon: Montauban, Bourgoin… Lei projèts faraoniques de la FFR, bastir un estadi de rugbì monumentau dau "Grand Parìs" a Ris Orangis, sus un espaci de 133 ectaras emé tot lo sant frusquin dau "merchandising", faran pèrdre de sòus au contribuable, se si concretison, e encara un pauc mai son eime au rugbì. Entre lo vièlh rugbì cassolet dau monarca Ferrasse e lo rugbì business d'encuei, faudrà trovar la tresena draia dau sauvament.
Dins aquelei circostancis es de mòda de criticar l'entrenaire Saint André que sa crotz pesa mai de semana en semana. Emé Campionat a 14, Copas d'Euròpa, Sièis Naciens, rescòntres amicaus, avèm lo calendier lo mai cargat dau monde.
Mai en promier lo mau vèn de l'evolucien dau rugbì, espòrt nacionau occitan, que lei drechs de televisien an desaviat. Lo rugbì francés es ara lo mai riche dau monde e si pòu pagar lei melhors jugaires dei 5 continents (li a gaire d'Asiatiques mai mi sembla d'aguer vist un Japonés dins lo Top 14 !).
Lei consequèncis son malastrosas per totei. Argentins, Georgians, Escossés, Sudafs, Italians laisson partir sei melhors jugaires, aquò desavié son championat e empacha lo nivèu nacionau de crèisse. Dins lo Top 14 e la Pro D2 la concurrenci es tala que de joines jugaires francés fan tapissarié sus lei banquets dei remplaçants. Leis empacha de s'ameliorar per picar la porta dau "Club France".
Lei drechs de televisien de Canal Plus e deis autrei cadenas aduson de molons de sòus mai aquò empacha pas a de clubs de bèure lo bolhon: Montauban, Bourgoin… Lei projèts faraoniques de la FFR, bastir un estadi de rugbì monumentau dau "Grand Parìs" a Ris Orangis, sus un espaci de 133 ectaras emé tot lo sant frusquin dau "merchandising", faran pèrdre de sòus au contribuable, se si concretison, e encara un pauc mai son eime au rugbì. Entre lo vièlh rugbì cassolet dau monarca Ferrasse e lo rugbì business d'encuei, faudrà trovar la tresena draia dau sauvament.
Gustau Alirol (1948-2025) : l'òme qu'a sachut faire de politica coma occitanista