
Èron encara una cinquantena lo 7 de novembre a La Seina, onte l’autor donava una conferéncia Bibliotèca Sant-Loís.
Lo resultat de sei recèrcas varesas, menadas de cotria am’un malhum d’afogats , nos ditz fòrça causas sus nòstre país, la qualitat dei terrens e l’istòria, o la particularitat de chasque recanton.
« Es l’usatge dau milafuèlhas dei pòbles qu’an abitat au nòstre tot au long dei siècles » qu’a precisat Estève Berrus, dau Ceucle Occitan de La Seina. Es sovent a descavar , bòrd que lei geografes mandats per lei Rèis de França, mai que d’un còup, t’an escafat la realitat, en particulier occitana, d’aquélei noms de luècs.

La conferéncia siguèt organisada per lo Ceucle Occitan de La Seina, de cotria mé la Bibliotèca dau Clòt Sant-Loís.
Gerard Tautil n’en donarà una autra a Cuers dimarts dètz de novembre a 6 oras de l’après-dinnar a la Sala de Teatre de l’Adobador. Puei lo dimècres 25/11, serà au Baucet, encara a 6 oras, Sala Mistral, dins l’encastre dau cors de provençau deis Agasso Beloio. E es parierament anonciat per la Dictada Occitana organisada per l’IEO 83 a Carnolas, lo darrier dissabte de janvier.
Lire aussi Gérard Tautil géographe de la cordialité