partager
Chascun saup ben ce que destria l’uman dei bèstias : lo trabalh ! (Marx)… o lo rire (Bergson), mai aquelei frontieras se nèblan quora lo monde dei cercaires en zoologia comença de lei questionar. Amb aquò son tres cercaires dau CNRS a s’Ais qu’estudian lo biais de s’entendre d’un biais estrategic de baboïns.
S’entendre amb un autre per ganhar una recompensa podriá èstre lo pròpri de l’uman, pasmens…
La tòca
dau juec, iniciat fa dos ans, es de lei butar a s’acordar per ganhar de licum quora encapan. An una còla de 19 mouninas lei cercaires presentan d’imatges de color e quora plusors baboïns reüssisson a presentar doas cartas de la mema color ganhan un guierdon ! « Per li arribar son ben forçats de se concertar per avança » ditz Nicolas Claidière, l’un dei cercaires.
Leis imatges presentats d’un biais aleatòri demandan une mena de concertacien entre lei moninas
per chausir, puei, la mema carta. Lo juec èra pas obligatòri entre lei baboïns que chausisson de li participar o non.
Amb aquò faliá doas decisiens : chausir de jugar adonc de ne’n « parlar » amb un autre, puei de chausir de cotria una color entre mai que d’una, e de chausir la mema.
Baboïns sus lo camin uman