partager
Auvari
màger de santat publica, e problèma de societat monumentau, l’epidèmia dau convid 19 es pereu
una prefiguracien de guerra bacteriologica. Amb aquò podèm vèire que pòu afeblir d’un biais consequent la Defensa Nacionala, amé l’anoncia dau retorn a Tolon dau pòrtavions Charles de Gaulle, en operaciens despuei de mes tant en Mediterranèa coma en Mar dau Nòrd.
Una cinquantena de cas dau coronavirús segon la Marina Nacionala siguèron diagnosticats sus lo vaissèu de 1700 marins. A se demandar coma se l’an agantat alòr qu’èran en mar auta.
Totei lei marins e aviators tocats per lo virús seràn sonhats a l’espitau miltari Santa-Anna de Tolon e d’autreis establiments de suenh militaris, mai l’ensems de l’equipatge serà gardat en quatorgena a bòrd.
Aqueu pòrtavions es lo solet de la flòta militaria francèsa, e tanben lo solet vaissèu de susfaça a propulsien nucleària d’Euròpa. Un autre deuiá èstre lançat per remplaçar lo Foch, mai lo projèt, carivènt, a pas encara desboscat.
Viure deis ofèrtas de la natura e destillar sei pròpreis òlis amb Florença Faure-Brac