L’efecte de l’epidemia baissa en Regions Provença e Occitanie

Se degun pòu dire segur que lo “problèma coronavirus” es en trin de s’ escafar , una baissa de tensions dins lei servicis espitaliers es evidenta amé l’estatistica deis espitaus de Marselha mai tanben de l’Agència Regionala de Santat d’Occitanie.

Lei liechs d’urgència a Marselha qu’èron 600 fa una setmana quand s’esperava una onda de malauts, ara an baissat jusqu’a 482 au 23 d’abriu. E 233 pacients leis ocupavan. Se fau deplorar que 113 èron en reanimacion, pas mai de 59 novèus cas siguèron trobats entre 2062 personas esprovadas.

Aquò dich 316 personaus espitaliers siguèron, elei, vists coma positius au covid 19 despuei lo començament de l’epidemia.

En Provença, e non solament a Marselha, 382 personas son mòrtas de l’epidemia despuei lo 28 de fébrier.

Lo meme jorn dau 23 d’abriu, en Occitanie 357 personas ne’n èron mòrtas dau covid, despuei la fin de febrier. L’Erault a pagat mai amé 98 mòrts, davant l’Auda e lo Gard (47), a l’ora d’ara 742 personas son espitalisadas per sonhar lo covid en Occitanie (861 lo 18 dau mes), entr’elei 183 en reanimacion (283 lo 18). De sotalinhar que dona pas de chifra deis Ehpad l’ARS, un subject que totei sabon èstre dificile.