partager
Cu se rementa d’Austin Powers, l’espion lo mai jaubastre
que jamai lo cinema aurà fach nàisser ? S’es fa criogenisar per passar de l’annada 1967 a 1997 e enfrominar lo pietadós Dòctor Denfer, eu lo mai nèci dei psicopatas que jamai vogueron dominar lo Monde.
Walt Disney, lo creator de Mickey, mòrt en 1966, eu se seriá fach vertadierament congelar, per esperar lo moment que la recèrca trobariá lo mejan de garir son cancer dau paumon. Oficialament, aquò dich, seriá estat cremat dins l’intimitat.
Mai que siegue per lo cinema o vengut d’una rumor, la criogenisacion aviá pa’ncara rendut de monde a la vida. Lei cercaires japonés vènon pasmens de reüssir la causa.
An poscut revelhar una còla de tardigrades (tardigrada) que li dison « caminaires d’aiga », o « orsons d’aiga », après trenta ans de congelacion. Prelevats dins l’Antarctic, aquelei polideis bèstias de 1,5 mm siguèron congelats sus de mossas, a mens vint degrats, trenta ans e sièis mes a-de-rèng .
Es justament per sa capacitat a subreviure que leis an chausits, lei scientifics de l’Institut Nacionau Japonés de Recèrca Polari. La bèstia excepcionala es a la pròva dau canon , que pòu resistir a un freg extrèm, una calor que vos diem pas, ai radiacions e mume, se ditz, au vuege dau cosmòs.
Walt Disney, lo creator de Mickey, mòrt en 1966, eu se seriá fach vertadierament congelar, per esperar lo moment que la recèrca trobariá lo mejan de garir son cancer dau paumon. Oficialament, aquò dich, seriá estat cremat dins l’intimitat.
Mai que siegue per lo cinema o vengut d’una rumor, la criogenisacion aviá pa’ncara rendut de monde a la vida. Lei cercaires japonés vènon pasmens de reüssir la causa.
An poscut revelhar una còla de tardigrades (tardigrada) que li dison « caminaires d’aiga », o « orsons d’aiga », après trenta ans de congelacion. Prelevats dins l’Antarctic, aquelei polideis bèstias de 1,5 mm siguèron congelats sus de mossas, a mens vint degrats, trenta ans e sièis mes a-de-rèng .
Es justament per sa capacitat a subreviure que leis an chausits, lei scientifics de l’Institut Nacionau Japonés de Recèrca Polari. La bèstia excepcionala es a la pròva dau canon , que pòu resistir a un freg extrèm, una calor que vos diem pas, ai radiacions e mume, se ditz, au vuege dau cosmòs.
Trenta ans a-de-rèng a mens vint degrats
An contunhat de viure congelats, mai am’un metabolisme en foncion a 0,001% de sei capacitats. Avián començat per remandar tota l’aiga de son còrps, e per se recoquilhar
jusqu’à prene la forma d’una bota, alòr que lo freg ganhava son organisme.
Après trenta ans, siguèron laissats dins una aiga minerala, e dos d’aqueleis organismes marins se son rescaufats a cha pauc , e après trege jorns an començat de se noirrir d’augas. Se l’un finalament es mòrt, l’autre a donat naissença a dètz e nòuv uous.
Fau dire qu’en defòra de sa capacitat a subreviure, la caminairitz d’aiga pòu tanben se reprodurre sensa mascle. Li fai bèn de particularitats.
Mai lei cercaires nipons auràn encara de pan sus la canissa per saupre perqué lei pichonei bèstias pòdon rebastir son ADN après una tala parentèsi.
Après trenta ans, siguèron laissats dins una aiga minerala, e dos d’aqueleis organismes marins se son rescaufats a cha pauc , e après trege jorns an començat de se noirrir d’augas. Se l’un finalament es mòrt, l’autre a donat naissença a dètz e nòuv uous.
Fau dire qu’en defòra de sa capacitat a subreviure, la caminairitz d’aiga pòu tanben se reprodurre sensa mascle. Li fai bèn de particularitats.
Mai lei cercaires nipons auràn encara de pan sus la canissa per saupre perqué lei pichonei bèstias pòdon rebastir son ADN après una tala parentèsi.
Baboïns sus lo camin uman