Roms : “Un trabalh de socialisacion que rompe leis expulsions”

A l’ora d’ara perqué aquelei Ròms contunhan d’èstre perseguits per lo gouvernament de gaucha coma o fuguèron per aqueu de drecha ?
 
Podèm dire aquò. Mai es pas completament verai. Sont perseguits d'un biais mai sistematic a l'ora d'ara. Per çò que tòca lei Bocas dau Ròse, lo campament lo mai grand, sus lo plan de l'Arbois proche de l'estacion TGV, fuguèt jamai tocat dau tems dau Sarkozy.

L'an vuejat en seguida de pressions policieras au mes de Julhet. E puei lei paladassoras que te fan lo chaple, que te destrusson lei barracas, son pas de drecha o de gaucha. Son simplament lei memas.
 
L’Estat socialista leis empacha de trobar pron d’estabilitat, e la Regien, menada tanben per lei socialistas, paga leis avocats qu’assajon d’entrepachar leis expulsions. I vesètz una contradiccien ?
 
Sabi que, dins lo PS, de vòtz se fan ausir per chanjar d'amira. La politica regionala es fondada sus la lucha contra leis inegalitats socialas coma territorialas. Era normau, dins aquest encastre, d'exprimir la solidaritat a n'aquelei que son lei mai tocats per la misèria e lei discriminacions. Aquela politica, bailejada per Gaëlle Lenfant (una Sestiana, ndlr), es dejà anciana. Lo poder d'Estat a pas chanjat d'amira desempuei Sarkozy, coma l'ai dich, e lei cavas se sont complicadas bòrd que i'a mai de faidits a l'ora d'ara.

Es pus lèu dau costat etatic que fau cercar la contradiccion. Sabètz çò que se ditz a prepaus de Valls : "Sarkozy a oublié de reprendre un ministre". Mai seriosament, es lei 18% dau FN que peson. Mais si fau mesfisar, sabèm monta nos menarà de montar leis uns contra leis autres ! Aquo's quauqua ren que se pòu ni comprene, ni acceptar! Pas mai.
 
Coma o devriá se menar una politica d’integracien dei Ròms en regien Provença ?
 
Fau faire un plan globau que farà espelir de pichòtas unitats, un cinquantenat de monde, repartidas dins leis villassas. Dins leis Rròms i'a aquelei qu'an tot laissat per partir. E puei leis autrei qu'an totjorn d'estacas "au país". Lei promiers sont d'emigrats : fau parlar barri, lotjament, escolà... amé lei segonds, fau chifrar a d'estructuras mobilas come d'algecò.

Mai lei fau seguir. Leis associacions, lei trabalhaires sociaus sont lèsts de l'i anar. Mai lo trabalh de socialisacion es romput per leis expulsions. Faut d'endrechs monte una politica d'acuelh e d'integracion siegue menada am’ elei, se pau faire dins la durada.

Lire aussi : Enfants ròms nomadas per fòrça