Lo Collectiu Occitan  vòl la lenga cada jorn a la TV regionala 

Lo 7 d’octòbre passat un desenat d’associacions e de partits politics s’acampèron per una novèla iniciativa del Collectiu Occitan. Après aver fait una sintèsi de la situacion dins los mèdias audiovisuals regionals France Bleue Occitanie e France 3 Occitanie, decidiguèron de tornar sul terrenh de l’accion.

D’un costat France Bleue Occitanie empacha la difusion d’artistas occitans dins sas emissions cortetas, si que non per illustrar l’òbra del·a convida·t·da. De son costat France 3 Occitanie dispausa de tant de mejans coma la còla d’Aiaccio. En Corsega pasmens produsisson nòv oras d’emission quotidianas dont tres bilingüas, quora a Tolosa se’n fa pas que doas, e encara en francés ! Per entendre d’occitan se cal contentar de las emissions de fin de setmana pel bilingüisme. Lo Collectiu a saludat çaquelà lo trabalh de la còla en plaça. Lo problèma es estructural e non pas ligat al personal a l’òbra.

Las dificultats financièras del quotidian en linha « Lo Jornalet » son tanben estadas evocadas. Sa còla se ditz agotada, e segur basicament l’empacha es financièra. Una ajuda financièra, adonc, es necite d’urgéncia, qu’an dich los militants acampats. Lo Collectiu decidiguèt doncas de doas iniciativas.

D’un costat tornaràn lançar la campanha per « l’occitan cada jorn a la TV regionala » ambe per començar dos aperitius reivindicatius lo 23 de novembre a 12 h davant los sètis de France 3 Tolosa e Montpelhièr.

De lançar una campanha de mobilizacion dels militants·as occitanistas e de las organizacions amb una crida tre ara de donacions, contribucion al Jornalet.

« La defensa de nòstra lenga-cultura es l’afar de cadun d’entre nautres » a pogut dire de sòcis, au sortir de l’acamp, « la maquina que la matrassa non s’arresta pas jamai d’avançar, avèm de pan sus la canissa ».