partager
20 septembre 2015, la présidente du CG13 Martine Vassal annonce qu'elle a décidé de financer les travaux du Museon. Fin des incertitudes (photo MN)
Porto barrado pèr causo de chantié despièi 2009, lou Museon Arlaten devrié li durbi
soulamen en 2019, es a dire après dès an… sènso chantié.
Aquéu fuguè derroumpu tre lou coumençamen, à la demando de l’Architèite di Bastimen de Franço. L’ oustau noble ounte fuguè crea emé l’argènt dóu prèmi Nobel de literaturo recebu pèr Frederi Mistral en 1904, es classa, e lou proujèt de l’agènci d’architèite nantés Tetrarc li agradè pas à l’Architèite, bord que l’emplé de vitre d’en pertout ié semblavo pas acourdable emé la qualita dóu relarg apara dóu cèntre d’Arle.
A mesuro que lou tèms avançavo e que lis eleicioun despartamentalo aprouchavon, la perspeitivo dóu chantié de renouvacioun s’aliunchavo. Un cop elegido la novo majourita de drecho e dóu cèntre, la presidènto Martino Vassal s’es douna mai d’un an per chifra se falié reviscoula lou museon o noun.
Lou 20 de setèmbre 2015 decidiguè publicamen, fin finalo, de ié counsacra 22,5 milioun d’€urò. A la fin d’óutobre lou chantié desmarrara, per dous an.
Pièi sera tèms de plaçar li 25 000 pèço de touto meno segoun l’ordre de presentacioun d’aquéli couleicioun, que soun, aro, en pleno renouvacioun au Cerco (Centre d’Estùdi de Renouvacioun e de Counservacioun dis Obro) ounte d’espert li sauvon di chiroun e àutri móusiduro.
Aquéu fuguè derroumpu tre lou coumençamen, à la demando de l’Architèite di Bastimen de Franço. L’ oustau noble ounte fuguè crea emé l’argènt dóu prèmi Nobel de literaturo recebu pèr Frederi Mistral en 1904, es classa, e lou proujèt de l’agènci d’architèite nantés Tetrarc li agradè pas à l’Architèite, bord que l’emplé de vitre d’en pertout ié semblavo pas acourdable emé la qualita dóu relarg apara dóu cèntre d’Arle.
A mesuro que lou tèms avançavo e que lis eleicioun despartamentalo aprouchavon, la perspeitivo dóu chantié de renouvacioun s’aliunchavo. Un cop elegido la novo majourita de drecho e dóu cèntre, la presidènto Martino Vassal s’es douna mai d’un an per chifra se falié reviscoula lou museon o noun.
Lou 20 de setèmbre 2015 decidiguè publicamen, fin finalo, de ié counsacra 22,5 milioun d’€urò. A la fin d’óutobre lou chantié desmarrara, per dous an.
Pièi sera tèms de plaçar li 25 000 pèço de touto meno segoun l’ordre de presentacioun d’aquéli couleicioun, que soun, aro, en pleno renouvacioun au Cerco (Centre d’Estùdi de Renouvacioun e de Counservacioun dis Obro) ounte d’espert li sauvon di chiroun e àutri móusiduro.
La lengo nosto pèr testimounia mai pas pèr vesita
Lou nouvèu Museon presentara si couleicioun en francés, segur, e, se lou prouvençau s’i poudra entèndre, sera pas lengo de vesito, mai lengo testimòni « presènto un pau d’en pertout, emé de pous sounore, » nous dis un respounsable dóu Museon, « o estènt que se poudra entèndre souto lou casco audiò à quàuquis estacioun, ounte lou mounde poudra, pèr eisèmple, escouta de tèste de Mistral ».
En particulié, dins la salo counsacrado au Felibrige, sera poussible de legi de tèste despièi l’age mejan jusqu’à l’epoco mouderno, en mai que d’uno lengo roumano, que se poudran coume acò coumpara.
D’escrivan de lengo d’o de tóuti li tèms seran presenta i vesitaire, e l’escenougrafìo proumes de durbi larg lou ventau, de l’age mejan a nosto epoco.
En particulié, dins la salo counsacrado au Felibrige, sera poussible de legi de tèste despièi l’age mejan jusqu’à l’epoco mouderno, en mai que d’uno lengo roumano, que se poudran coume acò coumpara.
D’escrivan de lengo d’o de tóuti li tèms seran presenta i vesitaire, e l’escenougrafìo proumes de durbi larg lou ventau, de l’age mejan a nosto epoco.
Le Museon Arlaten en 2004, cinq ans avant le dévoilement du projet, douze avant la relance des travaux, quinze avant la réouverture ? (photo MN)
Jean de Cabannes de Viens dramaturge à succès… quatre siècles après sa mort !
L'informacion de Provença Aups e Còsta d'Azur