L’onda dei malauts deuriá arribar lèu a Marselha

Segon Joan-Luc Jouve lo coordinator deis espitaus de Marselha, l’onda de malauts dau coronavirús s’espera per la fin de setmana. Segon Marsactu, jornau en linha que lo questionava, un collectiu dei servicis de reanimacien a lançat una canhòta per crompar de materiau medicau.

Leis espitaus de Marselha pòdon comptar sus 170 liechs de reanimaciens. Se serián despassats per l’onda, un còp mobilisats lei liechs possibles en clinicas privadas, lo personau deuriá chausir quau seriá sota assistència respiratòria e quau podriá pas.

Una alternativa que segur emplis d’ànsia lei metges e infermiers.


Una prospectiva parla de triplament dau nombre de malauts avans lo 5 d'abriu.

Per astre fin qu’ara an agut mai de temps que sei collègas d’Alsaça per alestir la defensa e organisar la responsa medicala.

L’arquitècta e dessinator d’Aurenja Bernat Vaton, eu, nos adreissa son biais de vèire lo trabalh dei personaus medicaus.