Lou Canau de Prouvènço mai telebeileja

Emé 220 milien de mètre cubo d’aigo chasque an que passon dins si canau e àutri roubino, sus e souto terro, la Soucieta dóu Canau de Prouvènço tenié pèr uno grosso escoumesso de beileja la distribucioun de la mita o quàsi de la poupulacioun prouvençalo.
 
Vèn d’inaugura soun nouvèu cèntre de telegestioun, que déu gaubeja quàuqui 210 km d’óubrage, quatre vint cinc restanco e jaço d’aigo, e quatre vint tres estacioun de poumpage.
 
Au sèti d’aquelo soucieta publico neissudo en 1957, au Toulounet, lou cèntre, qu’a cousta dous milien d’€uro, sera beileja per sièis persouno, mai de cop en astrento au siéu. Es qu’em’un ourdinatour, à l’oustau es poussible de viha sus la bono tengudo de tant d’óubrage.
 
« Lou principau avantage es segur qu’emé d’acidènt, poudrian èstre mai reatiéu » que dis Christian Magnin, lou baile de la Teinico à la SCP. « Mai segur qu’em’acò, mai que tout poudren geri l’aigo pèr n’en perdre mens qu’avans dins la naturo ».
 
A l’ouro que lou rescaufamen climati chirouno tóuti lei gestiounàri d’aigo, sera pas de neglegi.