partager
Lei cors d’occitan dau Centre d’Agermament Occitano Català au quartier de Gràcia, a Barcelona, tornan començar tre lei premiers jorns d’octòbre. Lo CAOC, una institucion de tria en Catalonha, assegura sièis nivèus de cors, despuei l’iniciacion fins qu’a la conversacion. Una ajuda de la Generalitat de Catalonha – en baissa importanta en 2022 fau va dire ! alòr que la nòva lèi d’Educacion catalana reconéis plus l’aranès (l’occitan gascon de la Val d’Aran) coma lenga veïcularia, - permetrà an un public afogat o curiós, de reforçar lo liame entre catalans e occitans, e de s’obrir un univers istoric, culturau e linguistic.
Lei cors se fan au sèti dau CAOC ( Hotel Entitats – Providència 42 – 08024 Barcelona, tel. 34 – 93 284 36 34) en generau en fin de jornada, e per nivèus reconeguts per lei estandards educatius europencs.
Còstan de quauquei 70€ a 185 € segon lo nivèu e lo fach d’èstre sòci o pas. Lo mielhs es de consultar lo site web dau Caoc
Pascal Colletta : “l’important es de trobar d’ocasions per parlar”