Leis Alpes de Lumière alestisson lou segound tome dóu Luberoun

Aquéu territòri auboura dóu tèms de la darriero glaciacien, « nous es vengu de la mar, aquéu Luberoun, émé lei grando ribiero que nous an cava la cluso de Lourmarin », que nous dis Marc Dumas.
 
Ami dei libre e de la lengo d’O avié dejà beileja la publicacien dóu premié tome de l’encicloupedìo « d’uno mountagno prouvençalo » qu’an fa parèisse Les Alpes de Lumière est’annado.
 
Lou vaqui alestissènt lou segound libre, que l’editour assouciatiéu devrié publica en nouvèmbre. Ideau per un presènt à Nouvè.
 
Mai es pas uno obro eisado que de proun defini aquéu territòri, proun « per faire trabaia dins la mumo draia  geoulogue, boutanisto e autreis especialisto. Se parlas dóu Luberon dóu vin, sera pas lo mume qu’aquéu dóu patrimòni basti. M’a faugu basti entre tóutei un equilibre eisigènt ».

La recèto per i’arriba èro premié de defini lou païs. « En verita n’i a quatre, em’un relarg que va bèn mai luenh que la cadeno dóu Luberoun. Avès aquéu de Cavaioun, lou Coumtadin ; pièi aquéu dóu païs d’Aigo alentour de Pertus que regardo vers Ais ; lou Luberoun ourientau, aquéu dóu trelus, qu’éu regardo dóu coustat de Luro e de la Durenço. E pèr acaba aquelo tiero, aquéu qu’a lou mai de caratère, aquéu d’Ate… lou miéu ! »
 
Coumo lou disié pèr presenta lou premié tome d’aquelo encicloupedìo, lou Luberon es principalamen un “signau fort entre dous territòri : la Basso Prouvènço, roudanenco e durenciano, e l’Auto Prouvènço ». Aquelo ligasoun s’arremarco tambèn dins sei parla d’O, en countinuita. Sera subretout pas uno muraio, aquelo cadeno.

http://www.editions-alpes-de-lumiere.org/fre/Actualites/61_ENCYCLOPEDIE-LE-LUBERON-TOME-2-BULLETIN-DE-SOUSCRIPTION.html

Article écrit en graphie mistralienne avec les suggestions d'Alain Barthélemy.