La menugueta èrba a pizza ...e antibacteriana

Èrba communa dels penjals rocalhoses, dels sòls paures, dels ermasses e de las pradas, la menugueta resistís ben a la calor, mas la trobarèm pas en garriga. Sas flors generosas agradan fòrça a las abelhas.

Las fuèlhas son opausadas, redondas o ovalas, la camba de la planta pòt èsser roginèla. Se'n servís en cosina per adobar de salsas : son perfum que sembla lo de la frigola fai miranda dins las adòbas, lo tomatat, e de segur la pizza.

En tisana emplegarèm las flors o la cima florida. En setembre, la podèm encara culhir tre qu'aurà plogut per qué tòrne florir. Antibacteriana e anti-espasmodica, ajudarà pendent l'ivèrn contra la grippa e las infeccions intestinalas.