
Escri per sèt ourganisme internacionau (La Banco Moundialo, Lou Plan Blau …) fuguè presenta à la touto fin de mai 2012 à Marsiho, dins un coulòqui, la Counferènci Ocemo, dins la toco de fa clanti uno voues unido mediteranenco au Cimèu de la Terro de Rio (Rio + 20).
E lou raport es bèn atrivarèu, que proumet 30 milioun d’emplé per lis annado 2020-30 dins lou sud de la Mediterranèio. Es pas de crèire ! E pamens, l’enjò es enca mai gigantàs. « Es de crea dins li dos decenìo venènto 40 milioun d’emplé dins lou sud e l’est de la regioun » apound Frederi Blanc, « e saren pas encaro au plen emplé ! »
Tenir les promesses du Printemps Arabe

D’en premié, tóuti lis intervenènt diguèron qu’es « uno óubligacioun ! I a gis d’autro draio » diguè mai que d’un, d’Europo o dóu Magreb. « L’eficacita es óubligatòri. Pensas que soulamen per mena l’aigo à tóuti lis abitant di païs arabe, faudrié despensa 28,5 miliard d’€uro, 1,5% dóu PIB annau de tóuti li païs !» souligno Najib Saab, lou secretàri generau de l’Afed (lou Forum per l’Envirounamen e lou Desvouloupamen, à Beirout).
L’escoumesso es pas soulamen l’aveni de la planeto, mai d’en premié d’assegura que li proumesso de la « Primo Arabo » fugon seguido d’emplé per li jouine, aro bèn escoularisa. E que tenoun à d’eisigènci soucialo. Se poudrié dire : o l’ecounoumìo verdo o lou salafisme…
Créer 30 millions d'emplois de "croissance verte" au Sud via l'écologie

Lou tèms soulet fara pas tout, ramento encaro Najib Saab. « Faudra encaro de finançamen, que podon veni que de l’internacionau. E vendran que se li païs arabe sabon n’en fini emé la courrupcioun ».
L’aigo, l’energìo renouvelablo, lou tratamen di residu, e subretout l’agriculturo, vaqui li jas d’emplé que poudran prouvesi l’ecounoumìo verdo dins li vint an de veni. Mai tout acò poudra se faire que dins l’equita soucialo. E pèr acò, fau acaba de sousteni la classo di richas, nous pòu dire Gièli Pipien, un espert de la Banco Moundialo à Marsiho, que siguè l’ancian Direitour de l’Envirounamen de Paca : « à l’ouro d’aro tóuti li païs dóu sud subvenciounon la counsoumacioun d’energìo, pagon li mai riche per se croumpa uno veituro e despensa de carburant pèr abita liuen di vilo » alor qu’à quàuqui kiloumètre d’àutri an pas meme l’aigo à l’oustau, nimai lou mejan de manda si pichot à l’escolo. « Fau redistribua aquéli soumo à-n-aquéli que n’an de besoun, vers de poulitico soucialo ».