partager
Rituals de passatge a l’edat adult, fèstas fachas per soudar lei comunautats, vin e bièra jugan son ròtle, e dins lei montanhas de Georgia tot parier. Ailà s’i fa pas de vin, mai de bièra, coma en Khevsòuretia onte la fabricacien es comunautàri. Solets leis òmes pòdon li portar pèira, sota l’autoritat d’un capelan. L’òrdi es mesa a germinar per una familha, destriada per aquò chasque an, e un còp leis enzimes creats dins son amidon, venon en malt ; una pasta se fach, que fau mesclar a l’aiga puei mesa rebolhir amb de tantaravèu
. Au finau se beurà durant de taulejadas onte se portaràn fòrça brindas. La foto mòstra d'otís de bierraires de Georgia, la colleccien dau Mucem lei fa vèire, e aquela pèça seriá unica dins lei musèus d'etnografia, que nos vèn Edoard de Laubrie, lo conservator dau Mucem de Marselha.
Lo podrètz entendre parlar de l'aventura de son aqueriment dins una emission de France 3 Vaquí (l'emission en lenga nòstra de France 3 Méditerranée), consacrada a l'alimentacion mediterranenca, dins aperaquí un mes. E lo cap redactor d'Aquó d'Aquí tanben deuriá li parlar d'autreis aspects de la question.
Lo libre de la setmana : Trelus di jour (Lumières des jours) - Estelle Ceccarini