partager
Après la Dictada une partie des écoliers viennent recevoir leurs prix ...et les félicitations du jury. Eux auront déjà participé, dans leur établissement (photo MA DR)
2025 serà, dins l'istòria regionalista provençala, aquela de la Dictada la mai populari despuei que, fa vint ans, l'Institut d'Estudis Occitans e l'IEO regionau la bailejan, a Setème, a la pòrta nòrd de Marselha, gracias a l'implicacion de la municipalitat.
Segur la Dictada deis adults a aculhit quauquei desenas de participants per assajar d'escriure sensa decas un tèxtes trach dau darrier libre de Joan-Claudi Puech - 20 jorns au bot de l'antropocèn, mai l'important es que totplen d'escolans avian ja portat pèire à l'iniciativa amé sei mestres : 800 au totau, que una bòna part venguèron puei amé sei gens per partejar lo gostaron finau, reçaupre diplòm e presents... gredons e troças per l'essenciau, mai tanben un chèc de 50€ per chascun dei dos premiers de chasque categoria.
Fau rementar que, dins aqueu Despartament, un malhum de trenta escòlas mairalas e elementàris fan tres oras de provençau e tres oras en provençau chasque setmana.
Li a agut dins Bocas-dau-Ròse leis escòlas d'Aubanha Mermoz 1 e 2, Chaulan e La Perussonne de La Cieutat, l'escòla de Ceiresta, aquela de Greasca, de Venasc e dau Martegue...de collègis e de licèus amé de professoras tau coma Sarà Laurent, Jennifer Mallet, Amandino Demartis (que sei escolans de Tarascon e Sant-Martin-de-Crau faguèron la Dictada en version mistralenca), Maria-Noela Pieracci e Emelina Recours.
Per lei pichons lo tèma de la Dictada siguèt "lei dinosaures de Santa-Bauma, una còla celebrissima onte ara lo Pargue Naturau Regionau fa plaça a la lenga nòstra après una implicacion fòrta dau monde regionalista.
L'après dinnada s'acabèt mé un gostaron benvengut e de musicas juegadas per Gerard Roussel (clarineta), Joan-Pèire Bonnet e Florença (viela e percussions) qu'an fa dansar lo brave monde.
Lei bailes de la jornada an vòugut mercejar aquí Elisabet Marque e Silva Laurent, elegidas de la Comuna de Setème, vengudas lei saludar.
Parlant dei bailes, fau rementar que l'IEO 13 e lo Centre regional de l'IEO an tot organisat e que la mestressa Natalia Wurbel siguèt l'indispensabla cavilha obrièra. De l'IEO son president Miquèu Arnaud nos diguèt : "aquò se fa amb un pretzfach de formiga... per una jornada de cigala".
Segur la Dictada deis adults a aculhit quauquei desenas de participants per assajar d'escriure sensa decas un tèxtes trach dau darrier libre de Joan-Claudi Puech - 20 jorns au bot de l'antropocèn, mai l'important es que totplen d'escolans avian ja portat pèire à l'iniciativa amé sei mestres : 800 au totau, que una bòna part venguèron puei amé sei gens per partejar lo gostaron finau, reçaupre diplòm e presents... gredons e troças per l'essenciau, mai tanben un chèc de 50€ per chascun dei dos premiers de chasque categoria.
Fau rementar que, dins aqueu Despartament, un malhum de trenta escòlas mairalas e elementàris fan tres oras de provençau e tres oras en provençau chasque setmana.
Li a agut dins Bocas-dau-Ròse leis escòlas d'Aubanha Mermoz 1 e 2, Chaulan e La Perussonne de La Cieutat, l'escòla de Ceiresta, aquela de Greasca, de Venasc e dau Martegue...de collègis e de licèus amé de professoras tau coma Sarà Laurent, Jennifer Mallet, Amandino Demartis (que sei escolans de Tarascon e Sant-Martin-de-Crau faguèron la Dictada en version mistralenca), Maria-Noela Pieracci e Emelina Recours.
Per lei pichons lo tèma de la Dictada siguèt "lei dinosaures de Santa-Bauma, una còla celebrissima onte ara lo Pargue Naturau Regionau fa plaça a la lenga nòstra après una implicacion fòrta dau monde regionalista.
L'après dinnada s'acabèt mé un gostaron benvengut e de musicas juegadas per Gerard Roussel (clarineta), Joan-Pèire Bonnet e Florença (viela e percussions) qu'an fa dansar lo brave monde.
Lei bailes de la jornada an vòugut mercejar aquí Elisabet Marque e Silva Laurent, elegidas de la Comuna de Setème, vengudas lei saludar.
Parlant dei bailes, fau rementar que l'IEO 13 e lo Centre regional de l'IEO an tot organisat e que la mestressa Natalia Wurbel siguèt l'indispensabla cavilha obrièra. De l'IEO son president Miquèu Arnaud nos diguèt : "aquò se fa amb un pretzfach de formiga... per una jornada de cigala".
De nòvas de l'Ostau dau País Marselhés