
Lo troç existènt coma aqueu a venir son e seràn dins lo relarg dau Plan de Campanha, « lo relarg lo mai congestionat » segon la Direccien Interdespartamentala dei Rotas Mediterranèa, l’organisme d’Estat que gerís l’informacien sus lo trafec rotier de nòu despartaments entre Losèra e Bocas-dau-Ròse.
Lo mai grand relarg comerciau d’Euròpa es tanben lo luec de tarribles embarràs rotiers, matin e sera, quand de miliers de trabalhaires van tot d’un còp d’una vila a l’autra.
Despuei lo 7 de novèmbre un chantier s’es entrinat per dos mes, qu’alentirà lo trafec.
Dix jours perdus par an par travailleur qui se déplace

Una tresena via siguèt alòr creada per aquò. « Ailàs ! lei conselhiers generaus dau relarg sestian que venián an’aquela assemblada en veitura, de còps am’un menaire, avián fòrça renat, que s’inquietavan de pas poder l’i anar tant lèu am’una rega enebida ai veituras » segon lo testimòni d’un ancian baile dei rotas de l’Estat dins aqueu despartament. « E an agut causa ganhada… » que regretava.
Lo monde que va trabalhar, en particulier d’Ais a Marselha chasque matin, s’endralhan en mejana una miechora avans l’ora per evitar lei taps autorotiers.
« Un trabalhaire que passa chasque jorn aquela via perde dètz jornada completas per an dins lei embarràs » nos disiá Joan-Ives Petit, l’ancian delegat ai Desplaçaments de la Regien Paca en 2012. « E en 2023 ne’n perdrà detz-e-sèt se ren es fach ».