partager
L’estatistica catastrofica dau recensament agricòl 2021, tau que presentat per lo ministeri fa quauquei jorns, se presenta en generau diferentament dins lei regiens occitanas.
En Provença dison, a l’Insee, que la baissa dau nombre de bastidas es pas tant fòrta coma per lo precedent : pasmens la Provença a perdut 18 % de sei tenements
en dètz ans. Lei perdas son fòrtas dins lo païs Niçard (manca 37 % dins leis Aups maritimas), pas tant dins leis Aups, importantas dins lei grandei culturas e l’arboricultura, mai pas dins la viticultura, a fòrta valor ajustada.
En Occitanie, segonda regien francesa per l’agricultura, tampauc se debana pas tant mau coma per d’autrei. Mai amb 63 000 esplechas agricòlas, ne’n a 14 000 mens qu’en 2010. Mai son lei prats que se mantenon premier, alòr que la viticultura e leis granas a òli baissan.
Consequencia en Occitanie, la baissa dau nombre de bastidas entraïna l’aumentacien de la susfaça mejana de uechs ectaras, per arribar a 49. Aquò vòu dire que la Safer fa son trabalh de reservar la tèrra de facturar
a d’autreis agricultors.
En Nòva Aquitania tanben 64 000 bastidas trabalhan la tèrra o amé de tropèus, escabòts
o vacas. L’atge mejan dei païsans es de 53 ans per lei òmes e 55 per lei fremas, mai aut dins lei pichonei bastidas, ce que fa chifrar que dins lei dètz ans li aurà segurament una emorragia, a part dins la viticultura, ailà coma en Provença que marcha ben.
Tot parier en Auvernha e Ròse Aups onte leis bastidas son pas tant nombrosas e mai grandas que fa dètz ans. Coma en Provença la baissa s’alentis, mai amé 2,5 % chasque an, dins vint ans la populacien agricòla aurà baissat d’una meitat dei 88 000 d’ara, trabalhant sus 48 000 bastidas. A l’ora d’ara es un malhum
mai que tot de pichonas o fòrçca pichonas susfaças, per 66 % dei esplechas,segur mai que tot dins lei relargs de montanha, onte son, a part la part rodanenca, leis esplechas dei païs occitans, entre Cantal e Droma.
Lo libre de la setmana : Desesperanças salutàrias, diari literari - Joan-Ives Casanòva