partager
Un geste architectural, la possibilité d'observer des yachts depuis le toit...c'est le Mucem qui a décidé le National Geographic à primer Marseille (photo MN)
« Aquela ciutat portuari istorica a longtemps estat una crosiera entre lei continents » que ditz lo jornau National Geographic, per premiar Marselha entre lei « Ciutats en riba de mar de visitar ».
Dins aqueu « top dètz » dei vilas litoralas dau monde, Marselha es classada cinquena, après l’israeliana Tel Aviv, l’estoniana Tallinn, la canadiana St-John’s, e la californiana San Diego ; alòr que resta davant leis australianas Perth e Brisbane, la sud africana Durban, la russa Vladivostok e l’americana dau Maine Portland.
« Aqueu classament de referéncia ven guierdonar lo trabalh de valorisacien de la riba de mar que complissèm despuei d’annadas » qu’a trompetat lo president de la Comunautat urbana de Marselha, Guiu Teissier.
Mai a legir lei resons de la revista de l’organisme geografic american, podèm s’ espantar de sei critèris. En veritat la politica locala es per ren dins aqueu prèmi, bòrd qu’es lo Mucem qu’a vertadierament atrivat l’agach de National Geografic.
Sus son site web, aqueu precisa que l’illustracien d’aquela qualitat de crosiera entre civilisaciens es « lo magnific novèu musèu dei civilisaciens europencas e mediterraneanas, una boita giganta cubèrta de treliç. Sa teulissa permete una vista sus lo corredor de passatge dei yachts que s’envan sus la mar ».
E pas mai. Un musèu nacionau pagat per l’Estat, que laissa un miramar dei bèus… Lei còlas politicas localas an pas aquí de qué cridar « òsca ! »
Dins aqueu « top dètz » dei vilas litoralas dau monde, Marselha es classada cinquena, après l’israeliana Tel Aviv, l’estoniana Tallinn, la canadiana St-John’s, e la californiana San Diego ; alòr que resta davant leis australianas Perth e Brisbane, la sud africana Durban, la russa Vladivostok e l’americana dau Maine Portland.
« Aqueu classament de referéncia ven guierdonar lo trabalh de valorisacien de la riba de mar que complissèm despuei d’annadas » qu’a trompetat lo president de la Comunautat urbana de Marselha, Guiu Teissier.
Mai a legir lei resons de la revista de l’organisme geografic american, podèm s’ espantar de sei critèris. En veritat la politica locala es per ren dins aqueu prèmi, bòrd qu’es lo Mucem qu’a vertadierament atrivat l’agach de National Geografic.
Sus son site web, aqueu precisa que l’illustracien d’aquela qualitat de crosiera entre civilisaciens es « lo magnific novèu musèu dei civilisaciens europencas e mediterraneanas, una boita giganta cubèrta de treliç. Sa teulissa permete una vista sus lo corredor de passatge dei yachts que s’envan sus la mar ».
E pas mai. Un musèu nacionau pagat per l’Estat, que laissa un miramar dei bèus… Lei còlas politicas localas an pas aquí de qué cridar « òsca ! »
Le Forum d'Oc entre Piémont et Catalogne