Vos prepausèm de participar lo dissande 25 de janvier de 2025 a la dictaa occitana 2025 sieie en presenciau a l'Espaci Occitan a Gap, sieie en visio-conferéncia « Zoom ». E v-oèi, aquèst'an encar, aurètz la chausia : vos poirètz retrobar coma l'an passat en VISIO per aquèste eveniment o en presenciau en venent a la libraria associativa occitana "Espaci Occitan", au 21 de la charriera de l'Estamparia, a Gap.
La dictaa se debanará doncas aquèste 25 de janvier de 2025 a partir de 3 oras de l'après-disnar.
Lo correctiu sará puèi distribuit o mandat als participants a 4 oras de l'après-disnar. Chascun(a) poirá verifiar son trabau e escriure sas remarcas e questions.
Un segond achamp en visio-conferéncia (per aquelas e aquelos qu'aurán chausit aquèsta formula) sará organizat en seguia a 4 oras e miea de l'après-disnar per faire lo « debrifing » ensems a partir de las vòstras questions e remarcas.
Vos prepausèm un tèxte tirat de "Las fatorguetas / Las fatourguetas" [Abat François Pascal, 1904]. Es una òbra poetica versifiaa escricha per nòstre grand autor de l'Espina, amic de Mistral.
Chascun(a) poirá escriure dins la grafia qui li conven : grafia classica occitana, grafia mistralenca o grafia patesanta. La correccion sará mandaa sos tres versions : grafia classica occitana, grafia mistralenca, e la traduccion en francés.
Recebrètz a la començança de janvier los liame e còdis per vos connectar a la visio-conferécia.
Sarás brava(-e) de me dire, tre eira, se siàtz interessaa(-at) o pas per participer e la dictaa occitana 2025 en remplissent lo talhon aquí-sos.