Trouverès sus lou ligam aquì lou prougrama dòu 38 en Couloqui de la FLAREP que si debanerà en Flandre dòu 19 au 21 d'octobre.

https://www.felco-creo.org/19-20-21-octobre-colloque-flarep-en-flandre/

Trouverès tamben li entrasegna sus aqueu coulòqui mandadi per lu coulèga flamand de l'ANVT e qu'ai pegadi aqui en fin de mail.

Trouverès enfin dintre aqueu mail qu'ai pegat aqui-souta lou ligam per si marcà au couloqui.

Couma lou sabès, lou couloqui anual de la FLAREP, après l'acapitada d'aqueu de l'an passat a Nissa, es toujou l'oucasioun d'escambià embé lu coulèga e militant d'autri lenga, embé de moument de travalh e tamben de counvivialità, de situà l'occitan e lou mounegasc a rapouòrt de l'ensen dei lenga de França, de tratenì una dinamica coulectiva e coumuna naciounala en l'interès dei lenga regiounali e dòu message que pourtan ai nouòstre interloucutour.

Insisti dounca sus lou fach de si moutivà, de s'abrivà e de mountà en Flandre, noun soulament per soustenì li 3 darnieri lenga integradi per la circulària dau 2021 (flamand, picard e francoprovençal) ma tamben per dounà un pes ai revendicacioun propri a la situacioun de l'occitan. e mai precisament lou prouvençau, lou nissart e l'aupenc.

Insisti tamben sus la poussibilità qu'avès per faire una intervencioun o una comunicacioun en l'encastre d'aqueu couloqui en founcioun d'una temàtica que vous parlerìa e qu'es prevista en lou programma (ligam).

L'APLR serà aquì per ajudà financiariament lu coulèga que mounteran. Un budget es previst per una presa en carga parciala o toutala (dependrà dau noumbre de coulega que mounteran) per lou viage, l'albergamen e lu repais.

Gramaci en toui per la vouòstra ajuda e per lou ressoun que pourrès dounà en aqueu couloqui de la FLAREP.

Baieta e amistà

Olivier Pasquetti