partager
Jean-Marc Aymes (violon en mains), Maria-Cristina Kiehr (robe noire dessus blanc) et le Concerto Soave (photo XDR)
A crebat l’uòu
, fa vint-e-cinc ans, lo Concertò Soave, alentorn dau clavecinista Joan-Marc Aymes, a Marselha. Mai tot l’ensems siguèt concebut coma l’escrinhet musicau de la sopranò argentina Maria-Cristina Kiehr. Aquela l’amerita ben. E, se la còla musicala, puei, a evoluat, per l’ anniversari d’un quart de sègle de vida musicala, vaquí que la retròba a l’occasien dau Mars en Baroque, qu’eu festeja sei quinge ans.
La manifestacien de prima marselhesa entremescla musica baròca e contemporana dins d’eveniments que se fan entendre dins diferents luecs de la vila foceana : Leis Archius Despartamentaus, lo Balet Nacionau de Marselha, o la Glèisa dei Chartrós, entr’autres…
Au programa 2017, que se debana dau premier au trenta-un de març, segur ausirem Maria-Cristina Kiehr, que cantarà « L’Amor de Madalena », la santa segurament emblematica de Marselha, amé lo Concertò Soave. Lo Balet Nacionau de Marselha e lo metèire en scèna Olivier Lexa, elei, nos faràn vèire coma se dançava a la cort de Mantova au temps de Monteverdi…
Es que lo fondator de l’operà, festejam pereu son 450 en anniversari en 2017. E lo Març en baròc li farà una plaça dei bèlas : ansin una chausida de son Orfeo sus lo parvís de l’Operà municipau.
Trobarem encara una mena de liame entre orient e occident amé lei Lamentazioni de Frescobaldi, confisadas a Sant-Victor, a Maria-Cristina Kiehr encara un còp, mai tanben au gaubi dau Libanés Zad Moultaka, que metrà en lutz lo trabalh de Joan-Marc Aymes e de son Concertò Soave.
Un anniversari de tria per toteis aqueleis artistas, non ?
La manifestacien de prima marselhesa entremescla musica baròca e contemporana dins d’eveniments que se fan entendre dins diferents luecs de la vila foceana : Leis Archius Despartamentaus, lo Balet Nacionau de Marselha, o la Glèisa dei Chartrós, entr’autres…
Au programa 2017, que se debana dau premier au trenta-un de març, segur ausirem Maria-Cristina Kiehr, que cantarà « L’Amor de Madalena », la santa segurament emblematica de Marselha, amé lo Concertò Soave. Lo Balet Nacionau de Marselha e lo metèire en scèna Olivier Lexa, elei, nos faràn vèire coma se dançava a la cort de Mantova au temps de Monteverdi…
Es que lo fondator de l’operà, festejam pereu son 450 en anniversari en 2017. E lo Març en baròc li farà una plaça dei bèlas : ansin una chausida de son Orfeo sus lo parvís de l’Operà municipau.
Trobarem encara una mena de liame entre orient e occident amé lei Lamentazioni de Frescobaldi, confisadas a Sant-Victor, a Maria-Cristina Kiehr encara un còp, mai tanben au gaubi dau Libanés Zad Moultaka, que metrà en lutz lo trabalh de Joan-Marc Aymes e de son Concertò Soave.
Un anniversari de tria per toteis aqueleis artistas, non ?
Mariana Flores premiada dau prèmi Gabriel Dussurget