
Ailàs, “amb l’arestat dau prefècte dau Gard es ben tròp complicat e arrirscat” nos vèn Pau Martin, organisaire per leis edicions L’Aucèu Libre. “D’un caire dins lo public l’i seriá vengut de monde un pauc vielh adonc amb de riscs, e d’un autre caire nos a semblat tant dificíl de respondre a d’exigéncias tant dificilas de satisfaire : evitar que lo monde posque se crosar, mantenir de distancias de seguretat…”
Prevista per 130 personas e pas mai, le tenguda siguèt plus possible dau moment que la Prefectura aviá fixat una limita de trenta personas e pas mai.
lo concèrt dau vespre, lo balèti, la matinada medievala, lei conferèncias e jusqu’au salon deis editors aurián pas poscuts èstre organisats; leis organisaires adonc an chausit de remetre a junh de l’an que vèn.
Leis subvencions publicas restan, adonc leis artistas seràn pagats, manco lei frais de desplaçament, que se faràn pas de tot biais, e Pau Martin nos assegura que garda lo sosten dau Cirdoc. “Nos avian meme prepausat una ajuda administrativa se qu’auriam chausit de mantenir.”
Adonc a l’an que vèn, de l’onge au trege de junh 2021, amb lo meme programe, a part que leis artistas seràn pas lei memes e que lo moment medievau serà pas mantengut. “Farem, me va pense, mai de conferèncias”, pensa Pau Martin.