partager
Après lo suicidi de la joina transexuala Doona, 19 ans, a fin setembre en gara de Montpelhier ont èra estudianta, de recampaments siguèron organisats dins diferentei ciutats universitaris, en particulier davant lei bastiments dau Crous. L’organisme encargat de lotjar d’estudiants, d’efecte, lei manifestants l’ encausan
, dison qu’auriá amenaçat la joina estudianta de li retirar sa cambra universitària.
Aqueu drama es estat l’oportunitat per lei manifestants, de denonciar lo tractament reservat an aquela populacien, fragilisada per la non compreneson dau monde, en particulier medicau. “Siáu anada a l’espitau, onte m’an tractada coma una merda” diguèt una persona transgenere, Sacha, a la manifestacien montpelhierenca.
A s’Ais tanben, davant lo Crous (Centre Regionau d’Òbras Universitàrias) un recampament reunissiá una trentena d’estudiants, entr’elei de monde concernit directament per la transicien sexuala.
De son costat lo Crous afierma que sei “ còlas
s’èron vodats amé professionalisme d’un biais exemplari per acompanhar Doona”. La joina suicidida auriá ja assajat de metre fin a sei jorns, provocant lei supausadas amenaças de la part dau Crous.
L’afaire pausa sus la plaça publica la necessitat d’un acompanhament benvolent
d’aqueu monde que trantalha
un tèmps entre doas identitats sexualas.
Lo libre de la setmana : Vidas e engranatges - Florian Vernet