Jan Nové Tamisier l’umorista retirat dau monde

Capelada a Joan Nové qu'avèm ben conoissut dins Var.

Es-ti possible de trobar mai son espectacle qu'èra de tria?

Amistats
GT

Coma pron d'autrei veguèri jogar per lo promier côp Jan-Novè Tamisier au teatre de la pôrta d'Itàlia deTolon bailejat per Andrieu Neyton dins leis ans 70/80. An aqueu prepaus, sus lo siti "jornalet" d'aquesta passa, si deu legir l'entrevista d'A. Neyton e veire lo filme d'Arvei Lavigne sus sa formidabla aventura teatrala.
Si saup que dins leis ans 70 , l'occitanisme provençau capitèt de tocar un fum de monde marcat per leis " eveniments" de mai e junh de 68 e pastat d'idèas libertàrias, socialisantas e marxisantas. Aquelei gènts, sovent eissits dei mitans popularis, èron persuadits que la lenga d"ôc , a mand de s"esvanir, si deviâ de dire lo monde d'aicî e ara, sei luchas, per fin de cambiar la vida.
E J. N. Tamisier, observator agut de la vida vidanta au paîs, ambé un gaubi qu"es pas de dire, sensa vulgaritat nimai agressivitat, capitava de far petar rires e cacalàs : un bofe sanitôs !
Siâu segur qu'ailamondaut, dins son cèu, tornarà sus lo pontin per far s'estraçar dau rire leis amigas e leis amics que nos an quitats. Estent que siâu pas assegurat de poder va faire un côp lei parpèlas plegadas, li vôli dire un grandmercés .
PS: per una rason tecnica ai mes un accent ciconflèxe, dins d'unei cas , en plaça deis accents grèus o aguts.