Trentadoas entrepressas de Provença son destriadas per lo jornau d’economia Les Echos per sa capacitat de creissènça. Creissènça de la chifra d’afaires, es lo critèri. Sus 500 societats francesas, ne’n distingon onge dins leis Aups-Maritimas, dètz dins lei Bocas-dau-Ròse, quatre dins lo Var, tres dins la Vauclusa coma dins leis Auteis-Aups e una dins leis Aups-d’Auta-Provença.
Ce qu’es de remarcar es la tendéncia d’aquelei entrepressas d’escafar sa provençalitat, s’escondènt darrier un nom anglés. La mai ben classada per Les Echos, ansin es Mediterranean Food Solutions, una societat que fa venir d’Italia de noirridura tipica per lei professionaus de la restauracion. 21enca au classament, en 2018 a fach créisser sa CA de 121% en Avinhon.
Tout parier dau 135en, Nature Dog, una entrepressa de la Ròca-dels-Arnaus (05) que vende d’alimentacion per chins e gats. Parier tanben per Welljob, 173ena, que delega de personaus ais entrepressas despuei Biot (06). Lease protect France ne’n es encara un dei nombrós exemples. Aquela, a Marselha, s’es especialisada dins l’enquista sus la frauda sus lei marcats. Insight SiP, ela, provesís de components electronics per « òujèts conectats » despuei Grassa (06) ; es 222ena au classament, seguida per French Boat Market, que vende de batèus despuei Mandeluec la Napola (06), coma Aston and Crown, un caussaire niçard. Winenergia, un consèu en energia, serà pas lo darnier, a Marselha, bòrd que l’i trobaretz encara On-e-Nergy dins la muma ciutat, et d’autres, et d’autres…
Son pas solets, que fau comptar de tradicionalas ben francesas coma la Fromagerie de la Durance (05) o encara La Cartonnerie Moderne ((84). Mai pas una soleta, dins aquela tiera, am’un nom provençau, aupenc o niçard
Ce qu’es de remarcar es la tendéncia d’aquelei entrepressas d’escafar sa provençalitat, s’escondènt darrier un nom anglés. La mai ben classada per Les Echos, ansin es Mediterranean Food Solutions, una societat que fa venir d’Italia de noirridura tipica per lei professionaus de la restauracion. 21enca au classament, en 2018 a fach créisser sa CA de 121% en Avinhon.
Tout parier dau 135en, Nature Dog, una entrepressa de la Ròca-dels-Arnaus (05) que vende d’alimentacion per chins e gats. Parier tanben per Welljob, 173ena, que delega de personaus ais entrepressas despuei Biot (06). Lease protect France ne’n es encara un dei nombrós exemples. Aquela, a Marselha, s’es especialisada dins l’enquista sus la frauda sus lei marcats. Insight SiP, ela, provesís de components electronics per « òujèts conectats » despuei Grassa (06) ; es 222ena au classament, seguida per French Boat Market, que vende de batèus despuei Mandeluec la Napola (06), coma Aston and Crown, un caussaire niçard. Winenergia, un consèu en energia, serà pas lo darnier, a Marselha, bòrd que l’i trobaretz encara On-e-Nergy dins la muma ciutat, et d’autres, et d’autres…
Son pas solets, que fau comptar de tradicionalas ben francesas coma la Fromagerie de la Durance (05) o encara La Cartonnerie Moderne ((84). Mai pas una soleta, dins aquela tiera, am’un nom provençau, aupenc o niçard