760 participants à un loto militant pour l'enseignement de l'occitan on ne le voit pas tous les jours (photo XDR)
Sostar sa calandreta ? segur que aquela d'Aurenja (84) a poscut trobar pron de monde per va faire; dissabte siguèron 760 acampats per un lòtò d'ajuda dins la ciutat vauclusiana.
"Segur que la tòca vitala siguèt de trobar pron d'argent par perseguir l'aventura" nos vèn Bernat Vaton, qu'a creat am'una pichona chorma aquela escòla associativa d'ensenhament en immersion de l'occitan. Era en 1993 e, balin-balan sempre lo projects a viscut. Mai amé la pandèmia, coma d'autreis estructuras, lei fèstas d'escòlas restancadas per rason de santat, an plus poscut garnir la biaça ! pasmens fau sempre ajustar d'argent per poder menar de projects pedagogics.
"Segur que la tòca vitala siguèt de trobar pron d'argent par perseguir l'aventura" nos vèn Bernat Vaton, qu'a creat am'una pichona chorma aquela escòla associativa d'ensenhament en immersion de l'occitan. Era en 1993 e, balin-balan sempre lo projects a viscut. Mai amé la pandèmia, coma d'autreis estructuras, lei fèstas d'escòlas restancadas per rason de santat, an plus poscut garnir la biaça ! pasmens fau sempre ajustar d'argent per poder menar de projects pedagogics.
Escolans, collegians e liceans an pres en carga l'animacion
"Ganhar quauquei sòus es important, segur", contunha lo fondador, "mai acampar de monde dins una bèla convivialitat es tanben un sosten que fau pas negligir. Li avèm vist mai que d'un calandron ara intrat dins la vida professionala, e que li agradan de poder portar pèira a seis successors".
Enfin, nos dison encara leis organisators, que lo lòtò èra animat per d'escolans, que siegon de pichons de la Calandreta, de collègians que li èran, o de liceans que, tanben, li siguèron escolans. Aqueu monde apren a bailejar un project, que segur aquò's un biais entre d'autres per n'en faire de monde deman lests a s'acarar au monde professionau e a sostar d'escomessas associativas per melhorar la societat.
Enfin, nos dison encara leis organisators, que lo lòtò èra animat per d'escolans, que siegon de pichons de la Calandreta, de collègians que li èran, o de liceans que, tanben, li siguèron escolans. Aqueu monde apren a bailejar un project, que segur aquò's un biais entre d'autres per n'en faire de monde deman lests a s'acarar au monde professionau e a sostar d'escomessas associativas per melhorar la societat.
Les anciens calandrons, désormais étudiants ou travailleurs, étaient venus nombreux (photo XDR)