Le 11 décembre dernier, le CA de l'Office de la langue occitane invitait les délégués de Régions non encore adhérentes. "Une opportunité à saisir pour mutualiser nos moyens, séduire l'Union Européenne et nous entendre en gens ouverts" selon Hervé Guerrera (à g. sur la photo).
« L’i siáu anat au nom de Miqueu Vauzelle, per dire à l’Ofici que vòudriam lo veire adoptar lei doas grafias de l’occitan e respectar la diversitat dei parlats de nòstra lenga comuna, mai tanben que nos agradariá de lo veire sonar « Ofici de l’occitan lenga d’òc ».
Divèndres 11 de decembre, èra l’ultima mission d’Arvei Guerrera au Consèu Regionau de Provença, bòrd que, despuei dimenja passat, l’i es plus elegit.
Au consèu d’administracion de l’Oplo, l’i siguèt benvengut. « La pòrta es dubèrta, ai pas sentit d’oposicion de la part dei collègas d’autrei regions » que nos a ajustat.
L’Ofici Public de la Lenga Occitana, creat fa dos mes amé l’Estat e lei Regions Aquitania e Miegjorn Pirenèus, atriva déjà Lengadòc Rossillon, que serà pegat au precedent tre lo 1er de janvier 2016. Ròse Aups e Auvernha, coma Lemosin, s’i fan convidar, qu’una adesion es prevista.
Mai lo raprochament de Provença d’aquel Oplo deu ara tenir còmpte dau chanjament au poder de la Region.
« Fau èstre confiant » pensa Arvei Guerrera, « am’aquel Ofici, aurem l’escasença d’èstre inovants en França, bòrd que seriá possible de tractar directament entre l’Euròpa e una interregion qu’accampariá de Bordèu à Niça ». Una noveutat adonc, un laboratòri territoriau.
Serà, ara, de veire coma lo novèu president provençau, Crestian Estrosi, bailèjarà aquel afaire. « Premier, fau esperar la nominacion de son delegat a la Cultura ». Un personatge a l’esperit estrech seriá una catastrofa, un elegit dubèrt un astre.
« Lo Ròse, déjà Mistral va disiá, es un passatge, pas una frontièra » que ditz encara Arvei Guerrera. Un passatge pereu per lei budgèts de reviscolament de la lenga comuna, que serián mutualisats entre totei lei sòcis d’aquel ofici.
Divèndres 11 de decembre, èra l’ultima mission d’Arvei Guerrera au Consèu Regionau de Provença, bòrd que, despuei dimenja passat, l’i es plus elegit.
Au consèu d’administracion de l’Oplo, l’i siguèt benvengut. « La pòrta es dubèrta, ai pas sentit d’oposicion de la part dei collègas d’autrei regions » que nos a ajustat.
L’Ofici Public de la Lenga Occitana, creat fa dos mes amé l’Estat e lei Regions Aquitania e Miegjorn Pirenèus, atriva déjà Lengadòc Rossillon, que serà pegat au precedent tre lo 1er de janvier 2016. Ròse Aups e Auvernha, coma Lemosin, s’i fan convidar, qu’una adesion es prevista.
Mai lo raprochament de Provença d’aquel Oplo deu ara tenir còmpte dau chanjament au poder de la Region.
« Fau èstre confiant » pensa Arvei Guerrera, « am’aquel Ofici, aurem l’escasença d’èstre inovants en França, bòrd que seriá possible de tractar directament entre l’Euròpa e una interregion qu’accampariá de Bordèu à Niça ». Una noveutat adonc, un laboratòri territoriau.
Serà, ara, de veire coma lo novèu president provençau, Crestian Estrosi, bailèjarà aquel afaire. « Premier, fau esperar la nominacion de son delegat a la Cultura ». Un personatge a l’esperit estrech seriá una catastrofa, un elegit dubèrt un astre.
« Lo Ròse, déjà Mistral va disiá, es un passatge, pas una frontièra » que ditz encara Arvei Guerrera. Un passatge pereu per lei budgèts de reviscolament de la lenga comuna, que serián mutualisats entre totei lei sòcis d’aquel ofici.