Seriá tan verai e tant crud ? En França en 2020 l’Estat auriá chausit en consciéncia de laissar morir lei vielhs dau covid 19. Lo setmanier d’investigacion Le Canard Enchaîné dins son edicion dau 19 d’abriu va ditz. En mai d’aquò una circulària dau governament dau 19 de març suggeriá de pas laissar intrar ai servicis de reanimacion leis ancians.
Pourquoi interdire ce qui pourrait soigner et autoriser ce qui pourrait faire mourir ?
E l’estatistica deis espitaus parisencs de l’Assistancia Publica de Paris fa vèire de chifres ben suspècts en seguida d’aqueu texte oficiau : lei pacients de mai de 75 ans l’i èron admes per 19% dau totau au 21 de març, mai solament 7% au 5 d’abriu.
Asard ? Pas tant benlèu se raprocham aquò dau decret governamentau – la Republica se governa per decrets despuei lo 20 de març – dau 29 de març que autorisa, "dins l'encastre de la presa en carga dei pacients dau covid 19" l’utilisacion dau Retrovil, un potenciós tractament d’epilepsia prescrich en generau a de monde en estat de nervositat permanent, e lo Midazolam, que son indicacion diu clarmament en francès aquò : Le midazolam injectable est le médicament de première intention pour réaliser une sédation profonde et continue maintenue jusqu'au décès
Am’aquò sembla que l’Estat francès ague sinon organisat au mens acceptat un estat d’eutanasia, batejat "sonhs palliatius". S’agissiá non pas d’ajudar lo monde a viure, mai a morir.
Emai, l’autorisacion qu’èra limitada fin qu’au 15 d’abriu ara es remandada fin qu’au 15 de mai. Adonc li siam en plen !
Ajustarem que dins lo meme tèmps l’hydroxichloroquine associada an’un antibiotic utilisat per l’IHU de Marselha, siguèt enebit fòra deis espitaus. Un tractament limitat au monde deja sonhats per la malautia, enluec de l’alarguir an aquelei que començavan la malautia, quora seriá eficaç.
Un medicament benlèu compacionau, mai lo solet disponible en febrier e març per sonhar lo monde segon l’estat de ce qu’èra conéissut, utilisat despuei cinquanta ans per un miliard de personas mai enebit.
E de l’autre costat de medicaments ja quasi enebits perqué perilhós, au mens ais utilisacions fòrça limitadas, mai ara autorisats per ajudar lo monde a morir, en particulier dins leis Ehpad.
Voliam vos donar aquí lei claus d’un afaire que la societat pòu pas taisar.