La presidenta de la Metropòli marselhò-sestiana a cauçat sei bòtas de cauchó e accèpta de caminar dins la fanga, costejada per son rivau RN de l’arrondiment e lo capolier de la Chambra d’Agricultura. Dins aqueu plan dich de la Maussana – un nom que deuriá alertar ! - lo prochan Plan Locau d’Urbanisme levarà 40 ectaras marselhesas de bastir per ne’n faire de tèrras de facturar.
Es lo resultat d’una campanha que cascalha lo monde politic provençau despuei quauquei mes. Totei lei futurs candidats ai municipalas siguèron questionats per lo malhum associatiu de la Federacien Nacionala de l’Environament, que monta en poténcia. E d’efèt aquela vèn de publicar son “Repertòri dei relargs amenaçats dins lei Bocas dau Ròse”. L’i a identificat amé sei associaciens localas 1859 ectaras agricòlas amenaçadas directament per de projèts d’agençaments dins vinta doas comunas. E dins un contèxte onte quasi dètz-e-nòu per cent dau despartament litorau son artificialisats, còntra pas manco nòu per cent en Provença.
.............de legir la seguida dins lo mesadier Aquò d'Aquí..............