Lo novèu ministre de l’Interior francès es un Varès naissut en 1966, fin qu’ara segretari d’Estat en carga de la relacien entre lo Parlament e lo governament, tanben pòrta-paraula dau mume governament.
Premier cònsol de Forcauquier, aqueu socialista despuei trenta ans, abandona son partit per rejonhe La Republique en Marche e ajudar lo futur president Emmanuel Macron.
Un òme de dorsiers, que lei conéis au Consèu Regionau de Provença Aups e Còsta d’Azur, ont’es lo delegat de Michel Vauzelle ais Afaires Economics. En 2013 arriba de sauvar la màger part dei pòles de competitivitat regionaus, finançats per mai de sa mitat amé de fons publics, au còntre de ce qu’autorisa l’Unien Europenca.
En 2015 se rosiga de menar la tiera de gaucha a l’eleccien regionala, mai lo president Vauzelle, que l’aima pas, li dona pas signe que se representarà pas e lo laissa sensa sosten. Entre lei dos torns de l’eleccien, en decembre 2015, chausitz d’abandonar, oficialament per pas favorisar una victòria dau Front National dins una triangularia, oficiosament perqué l’Elysée li a demandat, còntre un sèti de ministre.
L’aurà pas, e lo Partit Socialista li laissa un pòti de mai de cinc cent mil €uròs. Una espina que garda au travèrs de la garganta.
L’enveja de faire carrièra am’eu se mescla am’un seriós dins la conducha deis afaires…e tanben am’una absència totala de sens dau populari. Au moment de la campanha electorala de la presidenciala, es encargat d’organisar l’etapa marselhesa d’Emmanuel Macron. Es de se rementar de son biais de demandar a la fola de sautar : « qu sauta pas es pas Marselhès ! ».
Casat e paire de doas filhas, es un bachelier tardiu que comença per se faire un nom e una fortuneta juegant au poker a Marselha, alòr qu’a pas mai de 18 ans. Lo futur ministre de l’Interior es alòr ligat a Christian Oraison, un maufatan que serà tuat a Manòsca en 2008.
Un òme de dorsiers, que lei conéis au Consèu Regionau de Provença Aups e Còsta d’Azur, ont’es lo delegat de Michel Vauzelle ais Afaires Economics. En 2013 arriba de sauvar la màger part dei pòles de competitivitat regionaus, finançats per mai de sa mitat amé de fons publics, au còntre de ce qu’autorisa l’Unien Europenca.
En 2015 se rosiga de menar la tiera de gaucha a l’eleccien regionala, mai lo president Vauzelle, que l’aima pas, li dona pas signe que se representarà pas e lo laissa sensa sosten. Entre lei dos torns de l’eleccien, en decembre 2015, chausitz d’abandonar, oficialament per pas favorisar una victòria dau Front National dins una triangularia, oficiosament perqué l’Elysée li a demandat, còntre un sèti de ministre.
L’aurà pas, e lo Partit Socialista li laissa un pòti de mai de cinc cent mil €uròs. Una espina que garda au travèrs de la garganta.
L’enveja de faire carrièra am’eu se mescla am’un seriós dins la conducha deis afaires…e tanben am’una absència totala de sens dau populari. Au moment de la campanha electorala de la presidenciala, es encargat d’organisar l’etapa marselhesa d’Emmanuel Macron. Es de se rementar de son biais de demandar a la fola de sautar : « qu sauta pas es pas Marselhès ! ».
Casat e paire de doas filhas, es un bachelier tardiu que comença per se faire un nom e una fortuneta juegant au poker a Marselha, alòr qu’a pas mai de 18 ans. Lo futur ministre de l’Interior es alòr ligat a Christian Oraison, un maufatan que serà tuat a Manòsca en 2008.