Lo lingüista lo mai radiofonic de França e de Navara, Médéric Gasquet-Cyrus a agut l’idèa flama, per endraïar l’an novèu, de parlar de nòstre jornau sus l’antena de France Bleu Vaucluse, onte fa un bilheton chasque matin a 7h23, coma, vint minutas après sus l’autra antena locala, France Bleu Provence.
Li ditz en particulier lo second sens dau nom dau jornau : "C'est celà même !" o se volètz : "c'est comme je te le dis !"
Nos a fa plaser bòrd que coneissiá fòrça ben l’istòria dau jornau e sei tòcas fondamentalas…
Aquòs benlèu pas estonant bòrd que regala nòstrei legeire d’una cronica sus lo parlat de Marselha, chasque mes dins la revista mensuala….
Es de notar que, se France Bleu a Marselha a pas d'emissiens en lenga nòstra, sa collèga d'Avinhon dona la paraula a Paulin Reynard chasque setmana per Aquí sian ben.