Pierre Audi, un bon répertoire pour le répertoire ? (Photo Sarah Wong Dutch Nat. Opera DR)
Es finalament Pèire Audi, un metèire en scèna francò-libanés de 58 ans, que succedirà a Bernat Foccroulle, au cap dau Festivau d’Ais, a partir de 2018. A l’ora d’ara baile de l’Operà Nacionau dei País-Bas, siguèt estat chausit en plaça de la bailessa de l’Operà de Lille, Carolina Sonrier, l’autra candidata. Lo Festivau serà adonc totjorn pas bailejat per una frema. Aquela, bòna gestionària de 59 ans, aviá pasmens pas lo repertòri internacionau de Pèire Audi, qu’a trabalhat mai o mens per totei lei scènas dau monde aquelei trenta darriereis annadas. Am’un festivau endraiat dins de partenariats internacionaus, e fai virar sei producciens de’n pertot, lo Consèu d’Admenistrança dau Festivau sestian li seriá estat sensible per chausir, divèndres 24 de junh.
Pèire Audi serà associat a la direccien dau Festivau tre l’an que vèn, come director ajonch, per ne’n preparar l’edicien 2018, la premiera de son mandat, de cinq ans.
Après un mes d’intradas mai o mens gratuitas, am’un cimèu artistic lo 26 de junh per sei « Paradas », lo Festivau s’alestís a durbir sa seissanta-uechenca edicien entre lo 30 de junh e lo 20 de julhet, amé cinc operàs, e dos autrei en versien concertanta.
L’i retrobarem en particulier la metèira en scèna Katie Mitchell, e son univèrs de pòrtas dubèrtas, sus lo temps e l’espàci, coma avèm ja poscut ne’n parlar a l’ocasien de son Alcina (Haendel en 2015) o de Written on skin (2012, de Martin Crimp). Esto còp debanarà son gaubi per lo Pélleas et Mélisande, de Debussy.
Un Cosi fan tutte (Mozart) tau coma lo prepara lo metèire en scèna Cristòu Honoré, deu se situar, eu, en Africa Coloniala… L’an passat, l’Enlèvement au Sérail, siguèt estat situit dins l’Orient mai o mens de Daesch, e èra un brave pàti. Mèfi ! Que fau s’avisar que tirar l’òbra onte devriá pas anar destapa mai que d’un còp sus una bèla cagada.
Demieg leis òbras presentadas, li aurà segur de creaciens, coma aqueu Kalila Wa Dimna, dau Palestinian Moneim Adwan, cantat en arabe e parlat en francés, que devriá faire tot d’un còp mai conéisser lo gaubi d’aqueu compositor ara Sestian, e l’imaginari dei còntes orientaus.
Aquò d’Aquí, coma de costuma, serà present per vos ne’n parlar mai, un còp leis espectacles jugats.,
Pèire Audi serà associat a la direccien dau Festivau tre l’an que vèn, come director ajonch, per ne’n preparar l’edicien 2018, la premiera de son mandat, de cinq ans.
Après un mes d’intradas mai o mens gratuitas, am’un cimèu artistic lo 26 de junh per sei « Paradas », lo Festivau s’alestís a durbir sa seissanta-uechenca edicien entre lo 30 de junh e lo 20 de julhet, amé cinc operàs, e dos autrei en versien concertanta.
L’i retrobarem en particulier la metèira en scèna Katie Mitchell, e son univèrs de pòrtas dubèrtas, sus lo temps e l’espàci, coma avèm ja poscut ne’n parlar a l’ocasien de son Alcina (Haendel en 2015) o de Written on skin (2012, de Martin Crimp). Esto còp debanarà son gaubi per lo Pélleas et Mélisande, de Debussy.
Un Cosi fan tutte (Mozart) tau coma lo prepara lo metèire en scèna Cristòu Honoré, deu se situar, eu, en Africa Coloniala… L’an passat, l’Enlèvement au Sérail, siguèt estat situit dins l’Orient mai o mens de Daesch, e èra un brave pàti. Mèfi ! Que fau s’avisar que tirar l’òbra onte devriá pas anar destapa mai que d’un còp sus una bèla cagada.
Demieg leis òbras presentadas, li aurà segur de creaciens, coma aqueu Kalila Wa Dimna, dau Palestinian Moneim Adwan, cantat en arabe e parlat en francés, que devriá faire tot d’un còp mai conéisser lo gaubi d’aqueu compositor ara Sestian, e l’imaginari dei còntes orientaus.
Aquò d’Aquí, coma de costuma, serà present per vos ne’n parlar mai, un còp leis espectacles jugats.,