L'ex président de Provence redevient Niçois. Demain Parisien ? (photo MN)
« Servir les Niçards », es la reson que dona l’ex-president de Provença Aups e Còsta d’Azur pèr son retorn a sa vila. N’en èra plus premier cònsol despuei qu’en decembre 2015 aviá ganhat leis elecciens regionalas.
A l’epòca voliá reequilibrar la Regien que, disiá, clinava tròp dau costat de Marselha. Un an e mieg après, laissa son fautuelh presidenciau a Renaud Muselier, un Marselhés 100% que tròba aquí una bòna basa per conquerir lo sèti de cònse de Jan-Glaudi Gaudin en 2020. Son pantai despuei lo debut dau siècle.
Diluns Crestian Estrosi adonc siguèt re-elegit premier cònsol de Niça, am’una majoritat confortabla.
Sei contradictors dison qu’a laissat lo poder regionau perqué sa tòca seriá de montar a Paris, pèr un pòste au governament. E de rementar qu’aviá recebut, a la Regien, lo candidat Macron avans lo premier torn dau 23 d’abriu, e que s’èra pausat coma son sosten actiu entre lei dos torns. Au còntra de son rivau niçard, Eric Ciotti, president dau Consèu Despartamentau deis Aups-Maritimas e deputat Les Républicains, qu’eu aviá pas fach secret de son vòte blanc, lo 8 de mai passat.
Sonat a un « destin nacionau » o obligat a defendre son poder niçard, l’ex president provençau s’es fach veire l’ultím còp lo 13 de mai, a z-Ais, per lançar lo chantier de l’Ostau dau Rapatriat.
A l’epòca voliá reequilibrar la Regien que, disiá, clinava tròp dau costat de Marselha. Un an e mieg après, laissa son fautuelh presidenciau a Renaud Muselier, un Marselhés 100% que tròba aquí una bòna basa per conquerir lo sèti de cònse de Jan-Glaudi Gaudin en 2020. Son pantai despuei lo debut dau siècle.
Diluns Crestian Estrosi adonc siguèt re-elegit premier cònsol de Niça, am’una majoritat confortabla.
Sei contradictors dison qu’a laissat lo poder regionau perqué sa tòca seriá de montar a Paris, pèr un pòste au governament. E de rementar qu’aviá recebut, a la Regien, lo candidat Macron avans lo premier torn dau 23 d’abriu, e que s’èra pausat coma son sosten actiu entre lei dos torns. Au còntra de son rivau niçard, Eric Ciotti, president dau Consèu Despartamentau deis Aups-Maritimas e deputat Les Républicains, qu’eu aviá pas fach secret de son vòte blanc, lo 8 de mai passat.
Sonat a un « destin nacionau » o obligat a defendre son poder niçard, l’ex president provençau s’es fach veire l’ultím còp lo 13 de mai, a z-Ais, per lançar lo chantier de l’Ostau dau Rapatriat.