Huit plages surveillées (photo MN)
La bèla idèa vos auriá pres de vos banhar a la mar la setmana dau 15 de junh, auriatz trobat la plaja barrada, la banhada defenduda. La chavana, vos n’en sovèn, n’es l’encausa. E dòna Frederica Clamont n’arrestèt ansin, ela la capolhiera dau Servici comunau de l’igiena e de la santat. Es a ela que revèn de susvelhar dotze plajas, la piscina comunala — barrada ela tanben fa gaire — e mai tres piscinas de campatges e un molonàs d’autrei dins lei coproprietats de La Seina.
“Nautrei, fasèm leis analisis, de la mitat dau mes de mai a la fin de setembre » que nos ditz en francés, « contrarotlam cada setmana lei uech plajas susvelhadas, e cada quinzenada lei quatre autras, que o son pas elei, mai que lo monde li nedan».
Leis analisis se fan de matin, lei nòu oras passadas, « valent a dire quora lo monde i vèn se banhar ». Lei personaus dau servici, de còps un estagiari, se banhan fins a la talha per querre un pauc d’aiga. La proveta s’encamina puei per Tolon, onte se tròba lo Laboratòri despartamentau de l’igiena. De principi, leis analisis donaràn son resultat dos jorns après... un pauc tardier qué, dòna Clamont ? « En veritat, avèm pereu d’analisis de « crisi » que se pòdon legir quatre oras après solament! ». E soncò d’escherichia coli verinós que cercam se tròban, lo premier cònsol defendrà tot d’un temps de nedar en riba de mar. Una pancarta o publicarà sus lei plajas dins leis oras seguentas. Coma aquò, fau pensar, lo monde se gardaràn de la caganha.
“Nautrei, fasèm leis analisis, de la mitat dau mes de mai a la fin de setembre » que nos ditz en francés, « contrarotlam cada setmana lei uech plajas susvelhadas, e cada quinzenada lei quatre autras, que o son pas elei, mai que lo monde li nedan».
Leis analisis se fan de matin, lei nòu oras passadas, « valent a dire quora lo monde i vèn se banhar ». Lei personaus dau servici, de còps un estagiari, se banhan fins a la talha per querre un pauc d’aiga. La proveta s’encamina puei per Tolon, onte se tròba lo Laboratòri despartamentau de l’igiena. De principi, leis analisis donaràn son resultat dos jorns après... un pauc tardier qué, dòna Clamont ? « En veritat, avèm pereu d’analisis de « crisi » que se pòdon legir quatre oras après solament! ». E soncò d’escherichia coli verinós que cercam se tròban, lo premier cònsol defendrà tot d’un temps de nedar en riba de mar. Una pancarta o publicarà sus lei plajas dins leis oras seguentas. Coma aquò, fau pensar, lo monde se gardaràn de la caganha.
Ne pas nager en eaux troubles
Tant qu'elle est claire, on se baigne, si elle se trouble...méfiance (photo MN)
Pron de l’analisi, aquò lèva pas d’alucar simplament l’aiga de la mar, “se la viatz pas clara, avisatz-vos que vos podriatz negar autanbèn” nos ditz encara dòna Clamont. “Tot parier se viam una taca de petròli, enebirem de nedar per la seguretat”. Aquò de dich.
2010 fuguèt pas famós, que la largada rintrèt sovent A Mar Viva, t’a carrejat la sabla de la plaja e ara la conducha d’assaniment es a la vista. E lo lavassi de junh a remés sus la bugada. Esperem que l’estiu se passarà tranquille e sensa mai d’escaufèstres.
Es bèn verai que lo servici de Frederica Clamont manca pas d’òbra a costat deis analisis d’aiga : lei tres personas sus lo talhier e lei quatre administratius devon en mai d’aquò gaubejar lei vaccinacions a gràtis, tenir d’a ment lei lotjaments indignes, lo desgarriament, la desinfeccion, eca. Sensa comptar la tranquilitat entre lei vesins.
Pecaires, de tot l’estiu, fin finala, auràn gaire de temps de s’anar banhar a la mar...
2010 fuguèt pas famós, que la largada rintrèt sovent A Mar Viva, t’a carrejat la sabla de la plaja e ara la conducha d’assaniment es a la vista. E lo lavassi de junh a remés sus la bugada. Esperem que l’estiu se passarà tranquille e sensa mai d’escaufèstres.
Es bèn verai que lo servici de Frederica Clamont manca pas d’òbra a costat deis analisis d’aiga : lei tres personas sus lo talhier e lei quatre administratius devon en mai d’aquò gaubejar lei vaccinacions a gràtis, tenir d’a ment lei lotjaments indignes, lo desgarriament, la desinfeccion, eca. Sensa comptar la tranquilitat entre lei vesins.
Pecaires, de tot l’estiu, fin finala, auràn gaire de temps de s’anar banhar a la mar...